CONCELLO

   ADSCRICIÓN PROVINCIAL

O que agora é o Concello de Baralla, no tempo do antigo réxime pertencía á antiga provincia de Lugo. O poñerse en vigor a Constitución de Cádiz de 1812, forma parte da provincia única de Galicia. Cando se divide a Galicia en catro provincias, o 27 de xullo de 1822, pasa a depender da nova provincia de Lugo, e o mesmo lle acontece cando a división do 30 de novembro de 1833, e na que agora segue.

   ADSCRICIÓN A PARTIDO XUDICIAL

Cando o 3 de marzo de 1820 se fai a primeira división en partidos xudiciais, o entón término de Neira de Xusá, pasa a formar parte do partido xudicial de Cruzul, e cando o 21 de abril de 1834, se fai a reforma xudicial, depende do partido xudicial de As Nogais, ata o 9 de outubro do 1840, por circular da Xunta Provisoria de Lugo, publicada o domingo 18 de outubro do mesmo ano, a capitalidade pasa a Becerreá. Indica o artigo 1º da citada circular que “la capital del partido judicial de Nogales, se traslada a Becerreá en cuyo pueblo fijarán su residencia el juez y demas funcionarios de la administración de justicia en el término improrrogable de 4 días bajo la mas severa responsabilidad”. Baralla pasa xa a depender do novo partido que se chama xa de Becerreá, sendo confirmado polo R.O. do 19 de maio de 1841.

Por Decreto do 26 de xullo de 1956, é segregado do partido xudicial de Becerreá, pasando ao partido xudicial de Lugo, e nel permanece ata que coa Lei de Demarcación 38/1988, do 28 de decembro, volta de novo ao partido xudicial de Becerreá.

Cando pola Orde do 24 de marzo de 1945 aparecen os xulgados comarcais, o xulgado de paz de Baralla, pasou a depender do comarcal de Becerreá.

Concello   Saúdo   Corporación Municipal   Resultados electorais  

 A casa do Concello   Denominación  

 Os concellos de Neira de Xusá e Neira de Rei   Escudo e Bandeira