SORTEOS E VENDA DE PERMISOS DE PESCA EN COUTOS PARA A TEMPADA 2008

 NORMATIVA:

Resolución do 8 de outubro de 2007, da Dirección Xeral de Conservación da Natureza , pola que se fixan as normas dos sorteos e da venda de permisos de pesca en coutos para a tempada 2008.

PRAZO:

O prazo de presentación de solicitudes rematará o 17 de novembro de 2007 ás 14.00 horas.

SEGUNDA VENDA DE PERMISOS

Unha vez rematada a escolla, os permisos sobrantes e aqueles non retirados nos prazos fixados serán incluídos nun segundo proceso de escolla.

Xunto coa notificación dos resultados do sorteo facilitaranse as datas e a horas de comezo e remate da segunda venda.

O procedemento de escolla será unicamente a través da páxina web https://www.xunta.es:444/pescafluvial/, cos mesmos requisitos de acceso que anteriormente. O servizo de reserva pola internet estará dispoñible para todos os participantes no sorteo a partir da data e hora de inicio.

VENDA LIBRE

Os permisos non escollidos e aqueles non retirados nos prazos fixados serán postos á venda nos servizos provinciais de Conservación da Natureza ata 10 días naturais antes do comezo da tempada en cada couto de pesca. Para a adquisición destes permisos non será preciso ter participado no sorteo

IMPRESOS DE SOLICITUDES:

Servizo provincial de Conservación da Natureza

http://medioambiente.xunta.es/formularios.jsp.

PRESENTACIÓN DE SOLICITUDES:

Servizo provincial de Conservación da Natureza ou mediante calquera dos procedementos
descritos no artigo 38 da Lei 30/1992, do 26 de novembro.

DE FORMA TELEMÁTICA (INTERNET)

https://www.xunta.es:444/pescafluvial/.

Para o acceso ao formulario será necesario introducir o número de DNI e mais o da licenza de pesca fluvial, a vixente ou calquera outra de anos anteriores.

Para solicitudes en grupo será preciso introducir tanto o número de DNI coma o da licenza da totalidade de participantes.

CONSULTA DE SOLICITUDES:

As solicitudes admitidas, logo da súa introducción na aplicación informática, poderán ser consultadas na páxina web https://www.xunta.es:444/pescafluvial/.
Para acceder á consulta será preciso introducir o número de DNI e mais o da licenza de pesca fluvial.

SORTEO

Os sorteos terán lugar nos servizos provinciais de Conservación da Natureza o día 14 de decembro de 2007 ás 12.00 da mañá.

RESULTADO SORTEO:

Os resultados dos sorteos poderán consultarse na páxina web https://www.xunta.es:444/pescafluvial/.
Para acceder á consulta será preciso introducir o número de DNI e mais o da licenza de pesca.

EXPEDICIÓN PERMISOS

No prazo de 10 días naturais, contados desde a data da escolla, os permisos seleccionados deberán ser pagados nunha entidade bancaria e recollidos no servizo provincial.

+ INFORMACIÓN SOBRE PESCA PARA O 2008.

Inicio | Flora| Fauna|Caza|Pesca| Río Neira