PARROQUIA: BERSELOS (SAN MARTIÑO)

LUGARES: Berselos, Penouta

EXTENSIÓN: 4,41 km²

POBOACIÓN:

Enlace poboación Berselos.

IGREXA:

Se queres ver a Igrexa da parroquia preme sobre a foto.

TOPONIMIA: 

Este nome é exclusivamente parroquial, porque non ten unha aldea que se denomine así. A mención máis antiga que constata Nicandro Ares está nun sospeito­so documento de Samos, do ano 997, no que se cita unha aiuntione per Osello e Sanctus Martinus de Peroselo.

En 1010 figura unha Geloira doando ó mosteiro de Samos a vil a de Lagenas (Laxes) indican­do os terminos vetustisimos dela por Covas, villa de Sancta Eolalia (Ri­badeneira), portum de Naria (río Neira) contra Arenza (Aranza) onde lle chaman Carriceto (Carracedo) carrale de Iusana (Carral de baixo), ca­rral de Susana (Carral de riba), ata os terminos de Beroseli. En 1175 unha bula do Papa confirma a xurisdicción de Samos sobre a eccle­siam Sancti Martini de Breselos.

Se fose fiable o nome Peroselo, poderiamos supoñer un antropónimo cristián de carácter hipocorístico e de humildade non constatado *Pero­sellus, co sufixo diminutivo -ellus, engadido ó adxectivo perosus aborre­cido, odiado.

Outro nome persoal semellante sería o xinecónimo Perusi­lla, referido á cidade de Perusia en Italia, coma o antropóni­mo Perusius, os cales nos darían a explicación de Berselos, par­tindo dun antropónimo latino.

Penouta, aldea da parroquia, estará ubicada nunha pinna / penna alta pena alta, é dicir, nun picouto.

MADOZ:

Escribe Verselos, terreo de mediana calidade bañado por insignificantes arroios. 15 casas, 15 veciños, 79 almas.

Volta a Parroquias