 PARROQUIA: FRANCOS (SAN SALVADOR)
LUGARES: Francos, San Cibrao, Vilar de Francos
EXTENSIÓN: 1,63 km2
POBOACIÓN:
Enlace poboación Francos.
IGREXA:
Se queres ver a Igrexa da parroquia preme sobre a foto.
TOPONIMIA:
En 1120 nomeábase Ecclesiam Sancti Salvatoris de Francos inmediatamente despois de Villam de Labruxio: Villam de Cobas: Villam de Villartelim. Pero en 1133 figura como monasterium e arredor de 1160 o cabido lucense tiña a sexta parte de monasterio de Francos, que se menciona inmediatamente despois de villam de Cobas e antes de medietatem Sancti Salvatoris de Neira e de villam de Villartelin. Como parroquia foi suprimida eclesiasticamente e agregada a Laxes en 1890.
A aldea de Francos, ademais de Vilar de Francos, é nome que pode ser o persoal Francus ou un étnico referido a persoas de alén dos Pirineos ou tamén as que tiñan especiais franquicias nos impostos dos reis .
San Cibrao débese á devoción do bispo e mártir Sanctus Cyprianus, que levaba un nome derivado de Cyprios chipriota e relacionado co lat. cuprum cobre, segundo expón Chantraine. En 1755 figuraba como parroquia San Ciprián de Villar, anexa de Francos.
MADOZ:
Clima frío e san, terreo montañoso e de mediana calidade. 4 casas, 6 veciños, 40 almas.No Madoz tamén se cita San Salvador de Vilar de Francos. Clima san e boa ventilación, terreo de mediana calidade, produce castañas.36 casas, 36 veciños, 198 almas.
Volta a Parroquias
|
