CLIMA

Baralla, pola súa situación interior, afastada da influencia suavizadora do mar, ofrece unhas condicións propias do clima atlántico , pero con matices de continentalidade.

Os datos de temperatura e pluviosidade normalizados máis próximos ao noso municipio pertencen á estación meteorolóxica de Lugo.

O clima, igual ca no resto dos municipios das serras orientais, está moi condicionado polos factores físicos. O aumento xeral da altitude modifícao sensiblemente, cunha notable diminución das temperaturas e un incremento das precipitacións. A temperatura media anual oscila entre lO - 12°C. Os valores máis baixos aprécianse durante os meses de inverno, cunha media de 4,6°C en xaneiro, o mes máis frío; ascenden suavemente cara ós meses estivais e alcanzan o seu máximo valor en xullo e agosto (20°C).

As precipitacións superan os 1.000 milímetros durante o inverno, a estación máis chuviosa, chegan a ser en forma de neve, especialmente nos lugares máis altos. As precipitacións diminúen de forma apreciable nos meses do verán.

Podes saber as prediccións meteorolóxicas para Baralla.

Situación   Como chegar    Información xeográfica  

 O tempo