TRÁMITE: REXISTRO DE DOCUMENTOS

DESCRICIÓN:

O rexistro é unha unidade administrativa onde se deixa constancia da documentación presentada polos particulares.

As súas funcións principais son:

• Verificar o cumprimento de prazos.
• Realizar un seguimento da documentación.
• Verificar se se respecta a orde de incoación na tramitación dos procedementos.

No Concello existe o sistema de Xanela Única que permite aos administrados presentar documentos dirixidos a calquera órgano da Administración autonómica.
Consiste: no rexistro xeral de documentos, solicitudes ou comunicacións dirixidas a calquera órgano da Administración autonómica de Galicia, cos efectos previstos no artigo 38.4ºb/ da Lei 30/1992, do 26 de novembro, de réxime xurídico de administracións públicas e do procedemento administrativo.

NECESITASE:

As solicitudes que se presenten no rexistro deben conter os seguintes datos:

• Órgano ó que se dirixe.
• Nome e apelidos do interesado, e no seu caso da persoa que o represente, así como a identificación do medio preferente ou do lugar que se sinale a efectos de notificación.
• Feitos, razóns e peticións en que se concrete.
• Lugar e data.
• Sinatura do solicitante.

ONDE SE TRAMITA:

As solicitudes presentaranse no rexistro das oficinas xerais do Concello, Casa do Concello, segunda planta. Horario de atención ó público: De 8,30 a 14,30 horas.

Rúa Evaristo Correa Calderón 58, 27680 Baralla.

Máis información:

Teléfono: 982 36 33 03 | Fax 982 36 32 21

E-mail: Enderezo electrónico dos servizos administrativos

MODELO SOLICITUDE:

Modelo instancia xeral

Volver a trámites  |   Ordenanzas  |   Impresos   |  Servicios municipais