|
| BARALLA - ARROXO - LAMAS - RECESENDE - VILARTELIN - BARALLADistancia: aprox. 30 km. Desde a praza de Baralla, pasamos por diante da Casa do Concello, no cruce collemos á dereita – imos por unha rúa de recente construcción con carballos á esquerda – no seguinte cruce collemos á esquerda. Estamos na estrada que vai ao Páramo. estrada de pouco tráfico e que nos mostra unha fermosa paisaxe. Chegamos a Escobio. Desde este pobo podemos facer un bonito paseo ata a beira do río Neira. De novo na estrada, un pouco máis adiante – case baixo a ponte da autovía – está a capela do Santo Cristo.Á esquerda hai unha baixada que da a un vello muíño. Pegado ao muiño sae un sendeiro que nos leva ata Villachambre. Desde a igrexa de Arroxo (está nun alto á dereita), temos unhas bonitas vistas da vila de Baralla. De volta á estrada , levamos á esquerda o regato de Guimarei, vemos un antigo muíño. Pasamos o pobo de Teixeira e desviándonos á esquerda chegamos a Villachambre, cara ao pobo e de novo á esquerda temos un vello muíño e a igrexa. Ata aquí chega o sendeiro que puidemos coller ao lado do muíño fronte ao Santo Cristo. Continuamos camiño e chegamos a Guimarei, a súa igrexa está á esquerda ao lado do Pazo de Airexe. De novo na estrada seguimos ata internarnos en terreos de Castroverde, ata un desvío á esquerda cara a Mazaille. Seguimos esta nova estrada, pasamos por Mazaille e continuamos en dirección Lamas, os outros desvíos lévannos a A Mocha e Pacios (igrexa con atrio interesante e aquí está tamén o Pazo de Espiña ). En Lamas temos a capela de San Roque e un bo exemplar de pombal. Seguindo a estrada do rego pequeno vemos á dereita tres muíños case pegados que compoñen unha fermosa paisaxe. Chegamos á estrada N VI ao seu paso por Sobrado do Picato, neste pobo hai unha área recreativa, unha fermosa carballeira e sitios onde tomar algo para repoñer forzas. Podemos regresar a Baralla ou alongar a visita. Podemos facer máis longa a visita de dúas maneiras: 1 .- Vía Recesende, Lebruxo, Covas. (máis longo) 1.- Si nos decidimos pola primeira vía, desde Sobrado collemos dirección Recesende, pasamos por Santa Cruz coa súa Capela. Siguimos cara a Recesende, pobo do que Evaristo Correa Calderón di nun relato que de seis casas, catro eran de fidalgos. Pobo con casas de pedra formando un núcleo pechado. Igrexa á dereita antes de chegara o pobo. Desde aqui collemos dirección Lebruxo, vemos a Igrexa nun castro. Para facer o recorrido ata Baralla utilizamos como guía a ruta de Baralla ata Ponte de Covas – facemos este mesmo camiño en sentido contrario. 2.- Si decidimos facer un recorrido un pouco máis corto, seguimos a estrada N VI en dirección a Baralla, na Mocha, collemos dirección Vilartelín, neste pobo imos á dereita cara a Vilanova (temos á dereita a casa grande). Para seguir esta ruta temos que coller en Vilanova á esquerda, chegamos a Santa Marta, seguimos a estrada desde a que vemos a capela á dereita. Volvemos uns poucos metros atrás e collemos cara a San Xusto, fermosas paisaxes, de alí a Basille onde está a casa torre. Chegamos á estrada que une Baralla con Láncara. Á dereita volvemos a Baralla. De fronte, pasando por diante da casa Farexe chegamos a igrexa sobre un castro e ao lado da casa do Pacio. Volvemos a Baralla pasando por San Estevo (capela con pinturas e pía bautismal de interese). Volta a turismo | Volta a rutas |
Preme sobre o mapa
|
|